ஒழுக்கம்

புத்தர் ஒழுக்கத்திற்கு மிகவும் முக்கியத்துவம் கொடுத்தார்.  அவர் பாதையைச் சுருக்கமாகசொல்வதென்றால் அது: ஒழுக்கம் (சீலம்), மன ஒருமுகபடுத்துதல் (சமாதி), விவேகம் (பஞ்ஞா) என்பதே. ஒழுக்கம் இல்லாமல் பாதையில் முன்னேறுவது  என்பது இயலாத காரியம்.
இது சம்பந்தமாகக் கிருபானந்த வாரியார் (1906-1993) அவர்கள் சொற்பொழிவு ஒன்றில்  பல நல்ல அறிவுறைகளைத்தருகிறார்.
 "சொல்லும் செயலும் ஒத்து இருக்க வேண்டும்",  
"பக்தியைக் காட்டிலும் ஒழுக்கத்திற்கு முக்கியத்துவம் அதிகம் இந்த நாட்டிலே", 
 "அறசியல் தலைவர் என்றால் நேர்மை இருக்க வேண்டும்."   
அவர் பேச்சில் பெண்கள் அடக்கமாக இருக்கவேண்டும் என்கிறார்.  ஆனால் பௌத்த நோக்கில் ஆண்களும் அடக்கமாக (humility) இருக்க வேண்டும் என்று சொன்னால் அது பொருந்தும்.  அடக்கமாக இருக்க வேண்டுமென்றால் அடிமையாக  (slavish) இருக்க வேண்டும் என்பதில்லை.  
மேலும் மந்திரிக்கு இருக்க வேண்டிய இலக்கணம் பற்றி கம்பரின் அறிவுரையை அழகாக விளக்குகின்றார் வாரியார்: 

உரையில் வரும் குறள்:  
ஒழுக்கம் விழுப்பந் தரலான் ஒழுக்கம்
உயிரினும் ஓம்பப் படும்.     # குறள் 131

விளக்கம்:
உயிர் சிறந்தது, உயிரைக்காட்டிலும் ஒழுக்கம் சிறந்தது, ஏனெனில் ஒழுக்கமே அவ்வுயிரோடு கூடியவாழ்க்கைக்கு விழுப்பத்தைத் தருகிறது (விழுப்பம்: நிலைத்த நன்மதிப்பு, சிறப்பு). எனவே ஒழுக்கத்தைஉயிரைக்காட்டிலும் கருத்தாகப் பாதுகாக்க வேண்டும். (நன்றி  International Tamil Language Foundationவெளியிட்ட திருக்குறள்)

உரையில் வரும்  கம்பரின் வாக்கு (முழுமையாக):

அமைச்சருக்கு அழகு:

“உற்றது கொண்டு, மேல்வந்து உறுபொருள் உணரும் கோளார்,
மற்றது வினையின் வந்தது ஆயினும் மாற்றல் ஆற்றும் பெற்றியர்;
பிறப்பின் மேன்மைப் பெரியவர் ; அரிய நூலும் கற்றவர் ;
மானம் நோக்கின் கவரிமா அனைய நீரார் “ 

விளக்கம் நன்றி  http://www.tamilvu.org/:
(நடந்ததைக் கொண்டு - எதிர்காலத்து வந்து நேரத் தக்கவற்றை;  கணித்து அறியும் அறிவு ஆற்றளுடையவர்கள்;
அந்த வேண்டாத கேடு ஊழ்வினையினால் ஒருகால் வந்தாலும்; அதனை மாற்றவல்ல முயற்சித்திறம் உடையவர்கள்;
நற்குடிப் பிறப்பினால் வந்த சிறப்பினையுடைய பெரியவர்கள்; கற்றற்கு அரிய நுண்ணிய நூல்களையும் கற்றுத் தேர்ந்தவர்கள்; 
மானத்தை நோக்குமிடத்தில் ;  கவரிமானைப் போன்ற தன்மையுடையவர்கள்.

கவரிமான், இமயமலைபோலும் குளிர் மிகுந்த மலைப்பகுதிகளில் வாழும் ஒருவகை மான். அந்த மானின் உடலிலிருந்து மயிர் உதிர்ந்தால், அது குளிர் தாங்காது மாண்டுபோகும். அதுபோலத் தம் புகழுக்கு இழுக்கு நேரும்காலம் வந்துழி உயிர் வாழார் ;  அழிவர் என்பதாம். ) 

Comments

Post a Comment

Popular posts from this blog

எண்ணங்களை சாந்தப்படுத்தல்

  Vitakka saṇṭhāna sutta Vitakka - எண்ணம், எண்ணுவது Santhana - சாந்தப்படுத்தல் மஜ்ஜிம நிகாயம் MN 20 ஃஃஃ நான் இவ்வாறு கேள்வியுற்றேன். ஒரு முறை புத்தர் சாவத்தி நகருக்கருகே, ஜேதா வனத்தில், அனந்தபிண்டிகரின் பூங்காவில் எழுந்தருளியிருந்தார். அப்போது அங்கு இருந்த பிக்குமார்களுக்கு அவர் உரையாற்றினார். "துறவிகளே." - "அண்ணலே!" என்று துறவிகள் பதிலளித்தனர்.  "துறவிகளே, மேலான மனதை [1] நாடும் ஒரு துறவி அவ்வப்போது இந்த ஐந்து குறிகள் (நிமித்தங்கள்) மீது கவனம் செலுத்த வேண்டும். அந்த ஐந்து எவை? i ஒரு துறவி ஏதோ ஒரு குறியின் மீது கவனம் செலுத்தும் போது அதன் காரணமாக அவர் மனதில் காமம், வெறுப்பு, மயக்கம் சம்பந்தப்பட்ட தீய திறமையற்ற எண்ணங்கள் தோன்றுமேயானால், அவர் வேறு ஒரு சாமர்த்தியமான எண்ணங்கள் சம்பந்தப்பட்ட குறிக்கு [2] கவனத்தை செலுத்த வேண்டும். அவர் அவ்வாறு சாமர்த்தியமான எண்ணங்கள் சம்பந்தப்பட்ட குறிக்கு கவனம் செலுத்தும் போது காமம், வெறுப்பு, மயக்கம் சம்பந்தப்பட்ட திறமையற்ற எண்ணங்கள் அமைதியாகி, கைவிடப்படுகின்றன. அவை கைவிடப்பட்ட பின், அவர் மனம் அடங்கி, சாந்தமடைந்து, ஒன்றி, ஒருமுகப
Read more

நன்றி மறவாமை

இது பகவரின் வாக்கு. "துறவிகளே, உலகில் இந்த இரு வகையான மனிதர்களைக் காண்பது அரிது. எவ்விரண்டு? "அன்பை முதலில் விளைவிக்கும் ஒருவர். அன்பைப் பெற்றவர், நன்றியை மறவாதது மட்டுமின்றி அந்த அன்பைத் திருப்பித் தரவேண்டும் என்ற கடமை தனக்கு இருப்பதாக நினைப்பவர் மற்றவர்."    (காண்பது அரிது,  துள்ளபா சூத்திரம்.  அங்குத்தர நிகாயம் AN 2:118) “Monks, these two people are hard to find in the world. Which two? The one who is first to do a kindness, and the one who is grateful for a kindness done and feels obligated to repay it. These two people are hard to find in the world.”   Hard to find, Dullabhā Sutta (AN 2:118) புத்தர் இவ்விரு பண்புகளையுமுடையோர் அபூர்வமானவர் என்கின்றார். நாமும் எப்படி இத்தகைய அபூர்வமான மனிதாராக முடியும்? இவ்விரு பண்புகளையும் ஒருசேர வளர்த்துக் கொள்ள வேண்டும்.உள்ளப்பூர்வமாக நன்றி உணர்வு எப்போது தோன்றுகிறது? 1. இன்னொருவர் காட்டிய அன்பு நமக்கு உண்மையிலேயே நன்மை பயப்பதாக இருக்கும் போது. 2. மற்றவர் செய்த செய்கை நல்லெண்ணத்தோடு செய்யப்பட்டது என்பதை நாம் நம்ப
Read more

சிறிய பௌர்ணமி தின போதனை

 சிறிய பௌர்ணமி தின போதனை Cūḷapuṇṇama sutta    cūḷa சிறிய puṇṇama பௌர்ணமி மஜ்ஜிம நிகாயம் MN110 ஃஃஃ இவ்வாறு நான் கேள்வியுற்றேன். பகவர் ஒருமுறை சாவத்திக்கருகில், கிழக்கு விகாரையில், மிகாரரின் தாயின் அரண்மையில் எழுந்தருளியிருந்தார்.  அன்று பௌர்ணமி உபோசத தினம். சங்கத் துறவிகள் அவரை சூழ்ந்து இருக்க, புத்தர் ஒரு திறந்தவெளியில அமர்ந்திருந்தார். மிகவும் அமைதியாக இருந்த துறவிகளை புத்தர் கண்ணோட்டமிட்டார். அவர்களிடம், 'துறவிகளே, ஒரு நேர்மை இல்லாத மனிதர் மற்றொரு நேர்மை இல்லாத மனிதரை கண்டு, 'அவர் ஒரு நேர்மை இல்லாதவர்', என்று தெரிந்து கொள்ள முடியுமா? "முடியாது, ஐயா." "நல்லது, துறவிகளே! அது முடியாது. நேர்மை இல்லாத மனிதர், மற்றொரு நேர்மை இல்லாத மனிதரைக் கண்டு, 'அவர் நேர்மை இல்லாதவர்', என்று தெரிந்து கொள்ள இயலாது.  ஆனால், ஒரு நேர்மை இல்லாத மனிதர், ஒரு நேர்மையான மனிதரைக் கண்டு, 'அவர் ஒரு நேர்மையானவர்', என்று தெரிந்து கொள்ள முடியுமா? "முடியாது, ஐயா." "நல்லது, துறவிகளே! அதுவும் முடியாத காரியம். ஒரு நேர்மை இல்லாதவர், தீய பண்புகளையும், தீயோ
Read more