நல்வினை என்பது யாது?

   மணிமேகலையில் வரும் ஆறுவரிகளை இசையமைத்து காணொளியாக வெளியிட்டிருக்கின்ற ஆசிரியர் செ. பாலமுருகன் அவர்களை பாரட்டவேண்டும். ஆழ்ந்த பொருள் அடங்கிய பழங்கால கவிதைகளை இசை வடிவில் கேட்பது மிக அருமை. இன்றைய மாணவ மாணவிகளுக்கு இப்படிபட்ட ஆசிரியர்கள் தேவை!

காணொளி காண்க

"நல்வினை என்பது யாது?" என வினவின்
சொல்லிய பத்தின் தொகுதியின் நீங்கிச்
சீலம் தாங்கித் தானம் தலைநின்று
மேல் என வகுத்த ஒருமூன்று திறத்துத்
தேவரும் மக்களும் பிரமரும் ஆகி
மேவிய மகிழ்ச்சி வினைப்பயன் உண்குவர்..
     -மணிமேகலை காதை 30, வரிகள் 76-81

நல்வினை யென்று சொல்லப்படுவது யாதென்று கேட்பாயாயின்;
முன்பு சொல்லப்பட்ட பத்துவகைத் தீவினைத் தொகுதிகளைச் செய்யாது நீங்கி; 
சீலத்தை மேற்கொண்டு; தானங்கள் பலவற்றையும் செய்து;
மேற்கதி யென்று சான்றோரால் வகுத்துரைக்கப் பட்ட மூன்று கதிகளில்; 
தேவரென்றும், மக்களென்றும், பிரம ரென்றுமுள்ள கதிகளிற் பிறந்து;
தாம் செய்த நல்வினைப் பயனாகிய இன்பத்தை நுகர்வர் 
   பதவுரை Vidwan Avvai Duraisamy Pillai 

Should you ask, "What is a good deed?" 
Not doing the collection of ten evils mentioned above, 
undertaking virtue, establishing generosity. 
That which the wise have said are three good results follow 
taking birth as devas, humans or brahmas 
experiencing the joy from the results of their good deeds. 

தவிர்க்கவேண்டிய பத்துவகைத்தீவினைகள்: 
கொலை, களவு (திருடல்), தவறான காமம் 
இம்மூன்றும் உடம்பால் உண்டாகும் தீவினைகள்; 
பொய்யுரையும், புறங்கூறலும், கடுஞ்சொல்லும், பயனில்லாத சொல் சொல்லுதலும் 
என்று வாக்கினால் உண்டாகும் தீவினைகள் நான்கும்; 
பேராசை, சினம் கொள்ளலும், தவறானகாட்சி 
மனத்தில் தோன்றுவனவாகிய தீவினை மூன்றும்... 

Killing, stealing, improper sexual conduct (adultery) 
are the three kinds of wrongs appearing in a body. 
Lies, malicious speech, harsh speech, frivolous speech 
are the four types of wrong speech. 
Greed, hatred and wrong view (delusion) 
are the three kinds of wrong deeds that appear in the mind. 

ஐந்து சீலங்கள் (ஒழுக்கங்கள்) The 5 precepts 
எந்த ஒரு உயிரையும் கொல்லுதலைத் தவிர்த்தல் To refrain from killing living creatures 
கொடுக்காத எப்பொருளையும் எடுப்பதைத் தவிர்த்தல் To refrain from taking what is not given 
தவறான பாலியல் உறவுகள் கொள்ளாது இருத்தல் To refrain from sexual misconduct 
தவறான பேச்சு உரைக்காமல் இருத்தல்; (பொய் சொல்வதும், வதந்தி கிளப்புவதும், கடுமையாகப் பேசுவதும், வம்பளப்பதும் தவிர்த்தல்) To refrain from harsh and false speech 
போதையளிக்கும் எப்பொருளையும் உட்கொள்ளுதலைத் தவிர்த்தல் To refrain from taking intoxicating liquor and drugs 

தவிர்க்கவேண்டிய 4 கீழ்கதிகள்: மிருக, பூத, அசுர, நரக உலகங்கள். அங்கு சென்றுவிட்டல் மீண்டும் மனித பிறப்பெடுப்பது அறிது. 
மேற்கதி; மனித, தேவ, பிரம்ம உலகங்களில் பிறப்பெடுப்பது.


Comments

Post a Comment

Popular posts from this blog

எண்ணங்களை சாந்தப்படுத்தல்

  Vitakka saṇṭhāna sutta Vitakka - எண்ணம், எண்ணுவது Santhana - சாந்தப்படுத்தல் மஜ்ஜிம நிகாயம் MN 20 ஃஃஃ நான் இவ்வாறு கேள்வியுற்றேன். ஒரு முறை புத்தர் சாவத்தி நகருக்கருகே, ஜேதா வனத்தில், அனந்தபிண்டிகரின் பூங்காவில் எழுந்தருளியிருந்தார். அப்போது அங்கு இருந்த பிக்குமார்களுக்கு அவர் உரையாற்றினார். "துறவிகளே." - "அண்ணலே!" என்று துறவிகள் பதிலளித்தனர்.  "துறவிகளே, மேலான மனதை [1] நாடும் ஒரு துறவி அவ்வப்போது இந்த ஐந்து குறிகள் (நிமித்தங்கள்) மீது கவனம் செலுத்த வேண்டும். அந்த ஐந்து எவை? i ஒரு துறவி ஏதோ ஒரு குறியின் மீது கவனம் செலுத்தும் போது அதன் காரணமாக அவர் மனதில் காமம், வெறுப்பு, மயக்கம் சம்பந்தப்பட்ட தீய திறமையற்ற எண்ணங்கள் தோன்றுமேயானால், அவர் வேறு ஒரு சாமர்த்தியமான எண்ணங்கள் சம்பந்தப்பட்ட குறிக்கு [2] கவனத்தை செலுத்த வேண்டும். அவர் அவ்வாறு சாமர்த்தியமான எண்ணங்கள் சம்பந்தப்பட்ட குறிக்கு கவனம் செலுத்தும் போது காமம், வெறுப்பு, மயக்கம் சம்பந்தப்பட்ட திறமையற்ற எண்ணங்கள் அமைதியாகி, கைவிடப்படுகின்றன. அவை கைவிடப்பட்ட பின், அவர் மனம் அடங்கி, சாந்தமடைந்து, ஒன்றி, ஒருமுகப
Read more

நன்றி மறவாமை

இது பகவரின் வாக்கு. "துறவிகளே, உலகில் இந்த இரு வகையான மனிதர்களைக் காண்பது அரிது. எவ்விரண்டு? "அன்பை முதலில் விளைவிக்கும் ஒருவர். அன்பைப் பெற்றவர், நன்றியை மறவாதது மட்டுமின்றி அந்த அன்பைத் திருப்பித் தரவேண்டும் என்ற கடமை தனக்கு இருப்பதாக நினைப்பவர் மற்றவர்."    (காண்பது அரிது,  துள்ளபா சூத்திரம்.  அங்குத்தர நிகாயம் AN 2:118) “Monks, these two people are hard to find in the world. Which two? The one who is first to do a kindness, and the one who is grateful for a kindness done and feels obligated to repay it. These two people are hard to find in the world.”   Hard to find, Dullabhā Sutta (AN 2:118) புத்தர் இவ்விரு பண்புகளையுமுடையோர் அபூர்வமானவர் என்கின்றார். நாமும் எப்படி இத்தகைய அபூர்வமான மனிதாராக முடியும்? இவ்விரு பண்புகளையும் ஒருசேர வளர்த்துக் கொள்ள வேண்டும்.உள்ளப்பூர்வமாக நன்றி உணர்வு எப்போது தோன்றுகிறது? 1. இன்னொருவர் காட்டிய அன்பு நமக்கு உண்மையிலேயே நன்மை பயப்பதாக இருக்கும் போது. 2. மற்றவர் செய்த செய்கை நல்லெண்ணத்தோடு செய்யப்பட்டது என்பதை நாம் நம்ப
Read more

சிறிய பௌர்ணமி தின போதனை

 சிறிய பௌர்ணமி தின போதனை Cūḷapuṇṇama sutta    cūḷa சிறிய puṇṇama பௌர்ணமி மஜ்ஜிம நிகாயம் MN110 ஃஃஃ இவ்வாறு நான் கேள்வியுற்றேன். பகவர் ஒருமுறை சாவத்திக்கருகில், கிழக்கு விகாரையில், மிகாரரின் தாயின் அரண்மையில் எழுந்தருளியிருந்தார்.  அன்று பௌர்ணமி உபோசத தினம். சங்கத் துறவிகள் அவரை சூழ்ந்து இருக்க, புத்தர் ஒரு திறந்தவெளியில அமர்ந்திருந்தார். மிகவும் அமைதியாக இருந்த துறவிகளை புத்தர் கண்ணோட்டமிட்டார். அவர்களிடம், 'துறவிகளே, ஒரு நேர்மை இல்லாத மனிதர் மற்றொரு நேர்மை இல்லாத மனிதரை கண்டு, 'அவர் ஒரு நேர்மை இல்லாதவர்', என்று தெரிந்து கொள்ள முடியுமா? "முடியாது, ஐயா." "நல்லது, துறவிகளே! அது முடியாது. நேர்மை இல்லாத மனிதர், மற்றொரு நேர்மை இல்லாத மனிதரைக் கண்டு, 'அவர் நேர்மை இல்லாதவர்', என்று தெரிந்து கொள்ள இயலாது.  ஆனால், ஒரு நேர்மை இல்லாத மனிதர், ஒரு நேர்மையான மனிதரைக் கண்டு, 'அவர் ஒரு நேர்மையானவர்', என்று தெரிந்து கொள்ள முடியுமா? "முடியாது, ஐயா." "நல்லது, துறவிகளே! அதுவும் முடியாத காரியம். ஒரு நேர்மை இல்லாதவர், தீய பண்புகளையும், தீயோ
Read more