இக்கரையும் அக்கரையும்

 இக்கரையும் அக்கரையும்
சங்காரவ சுத்தம்
அங்குத்தர நிகாயம் 10.117

சங்காரவ என்ற பிராமணர் புத்தரிடம் சென்று, நலம் விசாரித்து, ஒருபுறமாக அமர்ந்த பின் கேட்டது:
 "கோதமரே,  இக்கரை என்றால் என்ன?அக்கரை என்றால் என்ன?"

"பிராமணரே, 
தவறான காட்சி இக்கரை, சரியான காட்சி (sammādiṭṭhi) அக்கரை. [1]
தவறான கருத்து இக்கரை, நல்கருத்து (sammāsaṅkappo) அக்கரை.
தவறான வாய்மை இக்கரை, சரியான வாய்மை (sammāvācā) அக்கரை.
தவறான செயல் இக்கரை, நற்செயல் (sammākammanto) அக்கரை.
தவறான வாழ்க்கை இக்கரை, நல்வாழ்க்கை (sammāājīvo) அக்கரை. 
தவறான முயற்சி இக்கரை, நல் முயற்சி (sammāvāyāmo) அக்கரை.
தவறான கடைப்பிடி இக்கரை, நற்கடைப்பிடி (sammāsati) அக்கரை. 
தவறான அமைதி இக்கரை, நல்லமைதி (sammāsamādhi) அக்கரை.
தவறான ஞானம் இக்கரை, நல்ஞானம் (sammāñāṇaṁ) அக்கரை. [2]
தவறான விடுதலை இக்கரை, நல்விடுதலை (sammāvimutti) அக்கரை."

உதாணம் (புத்தர் பாவடிவில் சில சுத்தங்களின் இறுதியில் சொன்ன வார்த்தைகள்)

மனிதர்கள் சிலரே அக்கரை செல்வார்கள். 
மற்றவர் இக்கரையை சுற்றிக்கொண்டே இருப்பார்கள்.

தம்மம் நன்கு விளக்கப்படும்போது,
அதன்படி பயில்வோர்,
நீர்ப் பரப்பை கடந்து அக்கறை செல்வார்கள்.  
நீர்ப்பரப்பில் வெள்ளங்கள் அடித்துச் செல்லும், 
அதை தாண்டுவது கடினம்.[3]

தனிமையை நாடி,
வீட்டை விட்டுச் சென்றவர் 
- அந்த தனிமையில் சுகம் காண்பது கடினம்,
 திறமை கொண்டவர்,
தீய பண்புகளை விட்டுவிட்டு, நற்பண்புகளை வளர்த்து,

புலன் ஆசைகளை விட்டு,
தனிமையில் சுகம் காண்கிறார். 
உடமைகள் ஏதும் இல்லாதவராக,  
ஒரு திறமைசாலி
மனத்தின் மாசுக்களை தூய்மைப்படுத்துகிறார்.

போதி அங்கங்களை மனதில் சரியாக வளர்த்து, 
வேட்கையை விட்டு,  
பற்றுக்களில்  இன்பம் கொள்ளாமல்,
தாகம் தீர்ந்தவராக  (nibbutā), 
பிரகாசமாக, உலகில் வாழ்கின்றார். 

ஃஃஃ

ஆதாரம்: https://suttacentral dot net/an10.117

குறிப்பு:

[1]
"தவறான காட்சி இக்கரை, சரியான காட்சி அக்கரை." 
And what is wrong view? (MN 117)
‘There’s no meaning in giving, sacrifice, or offerings. There’s no fruit or result of good and bad deeds. There’s no afterlife. There’s no such thing as mother and father, or beings that are reborn spontaneously. And there’s no ascetic or brahmin who is well attained and practiced, and who describes the afterlife after realizing it with their own insight.’

இவையெல்லாம் தவறான காட்சிகள், இக்கரை சார்ந்தவை:
தானம், நன்கொடை செய்வதில் பயனில்லை என்று நினைப்பது. 
நற்செயல்களுக்கும் தீய செயல்களுக்கும் தகுந்த விளைவுகள் இல்லை என்று நினைப்பது, அடுத்த பிறவி என்று எதுவும் இல்லை என்று நினைப்பது, நமது வாழ்க்கையில் தாய், தந்தை என்ற சிறந்தவர்கள் இல்லை என்றும் அவர்களுக்கு தனிப்பட்ட மரியாதை ஏதும் தர வேண்டியது இல்லை என்று நினைப்பது, மறைந்த பின் உடனடியாக மறு பிறவி எடுப்போம் என்று  நம்பாதது, ஆன்மீகப் பாதையை  தொடர்ந்து,  வீடு பேரு அடைந்தவர் உள்ளனர் என்பதையும், அவர்கள் சிறப்பான அறிவுகளை பெற்றிருக்கின்றார்கள் என்பதையும் ஏற்றுக் கொள்ளாது. 

[2]
நல்ஞானம், நல்விடுதலை:
அட்டாங்க பாதையை முடித்ததற்கு கிடைக்கும் பலன் இவை இரண்டும்.

[3]
நீர்ப்பரப்பில் உள்ள நான்கு வெள்ளங்கள்:
புலன் இன்பங்கள், மறுபிறப்புக்கான ஆசை, கருத்துக்கள், அறியாமை (இவையெல்லாம் வாழ்க்கையில் நம்மை அடித்துச் செல்லக்கூடிய வெள்ளங்கள்)
the floods of sensual pleasures, desire to be reborn, views, and ignorance.
kāmoghassa, bhavoghassa, diṭṭhoghassa, avijjoghassa.

ஃஃஃ

Comments

Post a Comment

Popular posts from this blog

எண்ணங்களை சாந்தப்படுத்தல்

  Vitakka saṇṭhāna sutta Vitakka - எண்ணம், எண்ணுவது Santhana - சாந்தப்படுத்தல் மஜ்ஜிம நிகாயம் MN 20 ஃஃஃ நான் இவ்வாறு கேள்வியுற்றேன். ஒரு முறை புத்தர் சாவத்தி நகருக்கருகே, ஜேதா வனத்தில், அனந்தபிண்டிகரின் பூங்காவில் எழுந்தருளியிருந்தார். அப்போது அங்கு இருந்த பிக்குமார்களுக்கு அவர் உரையாற்றினார். "துறவிகளே." - "அண்ணலே!" என்று துறவிகள் பதிலளித்தனர்.  "துறவிகளே, மேலான மனதை [1] நாடும் ஒரு துறவி அவ்வப்போது இந்த ஐந்து குறிகள் (நிமித்தங்கள்) மீது கவனம் செலுத்த வேண்டும். அந்த ஐந்து எவை? i ஒரு துறவி ஏதோ ஒரு குறியின் மீது கவனம் செலுத்தும் போது அதன் காரணமாக அவர் மனதில் காமம், வெறுப்பு, மயக்கம் சம்பந்தப்பட்ட தீய திறமையற்ற எண்ணங்கள் தோன்றுமேயானால், அவர் வேறு ஒரு சாமர்த்தியமான எண்ணங்கள் சம்பந்தப்பட்ட குறிக்கு [2] கவனத்தை செலுத்த வேண்டும். அவர் அவ்வாறு சாமர்த்தியமான எண்ணங்கள் சம்பந்தப்பட்ட குறிக்கு கவனம் செலுத்தும் போது காமம், வெறுப்பு, மயக்கம் சம்பந்தப்பட்ட திறமையற்ற எண்ணங்கள் அமைதியாகி, கைவிடப்படுகின்றன. அவை கைவிடப்பட்ட பின், அவர் மனம் அடங்கி, சாந்தமடைந்து, ஒன்றி, ஒருமுகப
Read more

நன்றி மறவாமை

இது பகவரின் வாக்கு. "துறவிகளே, உலகில் இந்த இரு வகையான மனிதர்களைக் காண்பது அரிது. எவ்விரண்டு? "அன்பை முதலில் விளைவிக்கும் ஒருவர். அன்பைப் பெற்றவர், நன்றியை மறவாதது மட்டுமின்றி அந்த அன்பைத் திருப்பித் தரவேண்டும் என்ற கடமை தனக்கு இருப்பதாக நினைப்பவர் மற்றவர்."    (காண்பது அரிது,  துள்ளபா சூத்திரம்.  அங்குத்தர நிகாயம் AN 2:118) “Monks, these two people are hard to find in the world. Which two? The one who is first to do a kindness, and the one who is grateful for a kindness done and feels obligated to repay it. These two people are hard to find in the world.”   Hard to find, Dullabhā Sutta (AN 2:118) புத்தர் இவ்விரு பண்புகளையுமுடையோர் அபூர்வமானவர் என்கின்றார். நாமும் எப்படி இத்தகைய அபூர்வமான மனிதாராக முடியும்? இவ்விரு பண்புகளையும் ஒருசேர வளர்த்துக் கொள்ள வேண்டும்.உள்ளப்பூர்வமாக நன்றி உணர்வு எப்போது தோன்றுகிறது? 1. இன்னொருவர் காட்டிய அன்பு நமக்கு உண்மையிலேயே நன்மை பயப்பதாக இருக்கும் போது. 2. மற்றவர் செய்த செய்கை நல்லெண்ணத்தோடு செய்யப்பட்டது என்பதை நாம் நம்ப
Read more

தேவதா சுத்தம் - ஒரு தேவன்

  பொதுவாக கீழ் உலகத்தில் பிறந்தவர்கள் தான் வருத்தப்படுவார்கள் என்று நாம் நினைக்கலாம். அதாவது நரக, மிருக, பூத உலகங்களில் பிறந்தவர்கள். மனிதர்களாக வாழ்ந்த போது, நற் பண்புடனும் விவேகத்துடனும் நடந்துக் கொண்டு புண்ணியம் சேர்த்திருந்தால் தமக்கு இந்த கொடுமையான நிலை வந்திருக்காது என்று நினைத்து வேதனைப்படுவார்கள்.  ஆனால் சொர்க்க லோகத்தில் பிறந்தவர்களும் வருத்தப்படலாம் என்பதை இந்தச் சுத்தம் விளக்குகிறது முக்கியமாக இந்த சுத்தம் விவேகத்துடன் வாழ்வதன் முக்கியத்துவத்தையும், அறத்தைப் பயில கிடைக்கும் வாய்ப்பை நழுவ விடக்கூடாது என்பதையும் வலியுறுத்துகிறது. படிப்படியாக மேல் செல்லும் தேவலோகங்கள்: மண்ணுலக தேவர்கள் சாதும்மஹாராஜிக தேவர்கள் தாவதிங்ச தேவர்கள் யாம தேவர்கள் துசித தேவர்கள் நிம்மாணரதீ தேவர்கள் பரனிம்மிதவசவத்தி தேவர்கள் ... ஆபஸ்ஸர தேவர்கள் பரித்தசுப தேவர்கள் ... சுதஸ்ஸீ தேவர்கள் பிரம்ம லோக தேவர்கள் Devatāsutta, A Deity AN 9.19 தேவதா சுத்தம் - ஒரு தேவன் அங்குத்தர நிகாயம் 9.19 "துறவிகளே இன்று இரவு பல பிரகாசமான தேவர்கள் ஜெதவனத்தை ஒளிமயமாக்கியவாரு என்னிடம் வந்து, வணங்கி, ஒருபுரம் நின்று சொன்னது
Read more