சார்ந்தோர்



 
தம்மசேனா பாந்தே, நாக்பூர் அவர்களின் தம்ம உரையில் வரும் சுத்தத்தின் மொழிபெயர்ப்பு

Sevitabba Sutta
அங்குத்தர நிகாயம் 3.26

"மூன்று வகையான மனிதரை உலகில் காணலாம். எந்த மூன்று?

ஒரு வகையான மனிதருடன் சார்ந்து இருப்பதை, அவரோடுக் கூடச் செல்வதை  அல்லது அவருக்கு பணிவிடை செய்வதை  தவிர்க்க வேண்டும்.

இரண்டாமவருடன் சார்ந்து இருக்கலாம், கூடச் செல்லலாம், அவருக்கு பணிவிடை செய்யலாம்.

மூன்றாமவருடன் சார்ந்து இருக்கலாம், கூடச் செல்லலாம், ஆழ்ந்த மதிப்பும் மரியாதையுடன் பணிவிடையும் செய்யலாம்.
  
ஃஃஃ

யாருடன் சார்ந்து இருக்கக் கூடாது?
அப்படிப்பட்டவர் நம்மை விட ஒழுக்கத்திலும் (sīla), அமைதியிலும் (தியானம் samādhi), விவேகத்திலும் (paññā) குறைந்தவராக இருப்பார்.   இரக்கமும், கருணையும் காரணமாகத் தவிர, அப்படிப்பட்டவருடன் நாம் சார்ந்திருக்க கூடாது, அவரோடு கூடவும் செல்லக்கூடாது அவருக்கு பணிவிடையும் செய்யக்கூடாது.  

ஃஃஃ

எப்படிப்பட்டவருடன் சார்ந்து இருக்கலாம், கூடச் செல்லலாம், அவருக்கு பணிவிடை செய்யலாம்?
அப்படிப்பட்டவர் நமக்கு ஒழுக்கத்திலும் அமைதியிலும், விவேகத்திலும் சமமாக இருப்பவராவார்.  அவருடன் சார்ந்திருக்கலாம். ஏன்?
ஏனென்றால், அப்படிப்பட்டவருடன் ஒழுக்கத்தை பற்றி, அமைதியை பற்றி, விவேகத்தைப் பற்றி பேசமுடியும். அந்த பேச்சும் சரளமாக, எளிமையாக வரும். இதன் காரணமாக அவரோடு சார்ந்து இருக்கலாம். அவருக்கு பணிவிடை செய்யலாம்.

ஃஃஃ

எவருடன்  சார்ந்து இருக்கலாம், கூடச் செல்லலாம், ஆழ்ந்த மதிப்பும் மரியாதையுடன் பணிவிடையும் செய்யலாம்? 
அப்படிப்பட்டவர் நம்மை விட ஒழுக்கத்திலும் அமைதியிலும் விவேகத்திலும் சிறந்தவராக இருப்பார். அப்படிப்பட்டவருடன் சார்ந்திருக்கலாம், கூடப் போகலாம், அவருக்கு  மிக்க மரியாதையுடனும்,  மதிப்புடனும் பணிவிடை செய்யலாம்.
ஏனென்றால், அப்படிப்பட்டவருடன் சார்ந்து இருக்கும் போது  நமது ஒழுக்கம் முழுமையாகும், அல்லது உள்ள ஒழுக்கம் மெய்யறிவோடு பாதுகாக்கப்படும். அதேபோல் நமது  அமைதியும், விவேகமும் சிறப்படையும். இதன் காரணமாக நாம் அப்படிப்பட்டவருடம் சார்ந்து இருக்கலாம், அவருடன் கூடச் செல்லலாம், அவருக்கு மிகுந்த மரியாதையுடனும்,  மதிப்புடனும் பணிவிடை செய்யலாம்.
.
ஃஃஃ

இவர்களே உலகில் காணக்கூடிய மூன்று வகையான மனிதர்கள்.

நம்மை விட இழிவான ஒருவருடன் சார்ந்து இருந்தால், அது நமது அழிவுக்கு எடுத்துச் செல்லக்கூடும்.
 நமக்கு சமமானவருடன் சார்ந்து இருந்தால் நாம் கீழ்நோக்கி செல்லமாட்டோம்.
நம்மைக் காட்டிலும் சிறந்தவரோடு சார்ந்திருக்கும் போது நாம் விரைவில் முன்னேறுவோம்.
 எனவே நாம் நம்மை விட சிறந்தவர்களுடன் சார்ந்திருப்பது நல்லது."

ஃஃஃ
ஆதாரம்: https://suttacentral dot net/an3.26

Comments

Post a Comment

Popular posts from this blog

எண்ணங்களை சாந்தப்படுத்தல்

  Vitakka saṇṭhāna sutta Vitakka - எண்ணம், எண்ணுவது Santhana - சாந்தப்படுத்தல் மஜ்ஜிம நிகாயம் MN 20 ஃஃஃ நான் இவ்வாறு கேள்வியுற்றேன். ஒரு முறை புத்தர் சாவத்தி நகருக்கருகே, ஜேதா வனத்தில், அனந்தபிண்டிகரின் பூங்காவில் எழுந்தருளியிருந்தார். அப்போது அங்கு இருந்த பிக்குமார்களுக்கு அவர் உரையாற்றினார். "துறவிகளே." - "அண்ணலே!" என்று துறவிகள் பதிலளித்தனர்.  "துறவிகளே, மேலான மனதை [1] நாடும் ஒரு துறவி அவ்வப்போது இந்த ஐந்து குறிகள் (நிமித்தங்கள்) மீது கவனம் செலுத்த வேண்டும். அந்த ஐந்து எவை? i ஒரு துறவி ஏதோ ஒரு குறியின் மீது கவனம் செலுத்தும் போது அதன் காரணமாக அவர் மனதில் காமம், வெறுப்பு, மயக்கம் சம்பந்தப்பட்ட தீய திறமையற்ற எண்ணங்கள் தோன்றுமேயானால், அவர் வேறு ஒரு சாமர்த்தியமான எண்ணங்கள் சம்பந்தப்பட்ட குறிக்கு [2] கவனத்தை செலுத்த வேண்டும். அவர் அவ்வாறு சாமர்த்தியமான எண்ணங்கள் சம்பந்தப்பட்ட குறிக்கு கவனம் செலுத்தும் போது காமம், வெறுப்பு, மயக்கம் சம்பந்தப்பட்ட திறமையற்ற எண்ணங்கள் அமைதியாகி, கைவிடப்படுகின்றன. அவை கைவிடப்பட்ட பின், அவர் மனம் அடங்கி, சாந்தமடைந்து, ஒன்றி, ஒருமுகப
Read more

நன்றி மறவாமை

இது பகவரின் வாக்கு. "துறவிகளே, உலகில் இந்த இரு வகையான மனிதர்களைக் காண்பது அரிது. எவ்விரண்டு? "அன்பை முதலில் விளைவிக்கும் ஒருவர். அன்பைப் பெற்றவர், நன்றியை மறவாதது மட்டுமின்றி அந்த அன்பைத் திருப்பித் தரவேண்டும் என்ற கடமை தனக்கு இருப்பதாக நினைப்பவர் மற்றவர்."    (காண்பது அரிது,  துள்ளபா சூத்திரம்.  அங்குத்தர நிகாயம் AN 2:118) “Monks, these two people are hard to find in the world. Which two? The one who is first to do a kindness, and the one who is grateful for a kindness done and feels obligated to repay it. These two people are hard to find in the world.”   Hard to find, Dullabhā Sutta (AN 2:118) புத்தர் இவ்விரு பண்புகளையுமுடையோர் அபூர்வமானவர் என்கின்றார். நாமும் எப்படி இத்தகைய அபூர்வமான மனிதாராக முடியும்? இவ்விரு பண்புகளையும் ஒருசேர வளர்த்துக் கொள்ள வேண்டும்.உள்ளப்பூர்வமாக நன்றி உணர்வு எப்போது தோன்றுகிறது? 1. இன்னொருவர் காட்டிய அன்பு நமக்கு உண்மையிலேயே நன்மை பயப்பதாக இருக்கும் போது. 2. மற்றவர் செய்த செய்கை நல்லெண்ணத்தோடு செய்யப்பட்டது என்பதை நாம் நம்ப
Read more

தேவதா சுத்தம் - ஒரு தேவன்

  பொதுவாக கீழ் உலகத்தில் பிறந்தவர்கள் தான் வருத்தப்படுவார்கள் என்று நாம் நினைக்கலாம். அதாவது நரக, மிருக, பூத உலகங்களில் பிறந்தவர்கள். மனிதர்களாக வாழ்ந்த போது, நற் பண்புடனும் விவேகத்துடனும் நடந்துக் கொண்டு புண்ணியம் சேர்த்திருந்தால் தமக்கு இந்த கொடுமையான நிலை வந்திருக்காது என்று நினைத்து வேதனைப்படுவார்கள்.  ஆனால் சொர்க்க லோகத்தில் பிறந்தவர்களும் வருத்தப்படலாம் என்பதை இந்தச் சுத்தம் விளக்குகிறது முக்கியமாக இந்த சுத்தம் விவேகத்துடன் வாழ்வதன் முக்கியத்துவத்தையும், அறத்தைப் பயில கிடைக்கும் வாய்ப்பை நழுவ விடக்கூடாது என்பதையும் வலியுறுத்துகிறது. படிப்படியாக மேல் செல்லும் தேவலோகங்கள்: மண்ணுலக தேவர்கள் சாதும்மஹாராஜிக தேவர்கள் தாவதிங்ச தேவர்கள் யாம தேவர்கள் துசித தேவர்கள் நிம்மாணரதீ தேவர்கள் பரனிம்மிதவசவத்தி தேவர்கள் ... ஆபஸ்ஸர தேவர்கள் பரித்தசுப தேவர்கள் ... சுதஸ்ஸீ தேவர்கள் பிரம்ம லோக தேவர்கள் Devatāsutta, A Deity AN 9.19 தேவதா சுத்தம் - ஒரு தேவன் அங்குத்தர நிகாயம் 9.19 "துறவிகளே இன்று இரவு பல பிரகாசமான தேவர்கள் ஜெதவனத்தை ஒளிமயமாக்கியவாரு என்னிடம் வந்து, வணங்கி, ஒருபுரம் நின்று சொன்னது
Read more